Damodar Stotram

करारविन्देन पदारविन्दं मुखारविन्दे विनिवेशयन्तम्

वटस्य पत्रस्य पुटे शयानं बालं मुकुन्दं मनसा स्मरामि

श्री कृष्ण गोविन्द हरे मुरारे, हे नाथ नारायण वासुदेव

जिह्वे पिबस्वामृतमेतदेव गोविन्द दामोदर माधवेति

गोविन्द दामोदर माधवेति

♪

विक्रेतु-कामा किल गोप-कन्या मुरारि-पादार्पित-चित्त-वृत्तिः

दध्यादिकं मोहवशात् अवोचत् गोविन्द दामोदर माधवेति

गृहे गृहे गोप-वधू-कदम्बाः सर्वे मिलित्वा समवाय-योगे

पुण्यानि नामानि पठन्ति नित्यं गोविन्द दामोदर माधवेति

गोविन्द दामोदर माधवेति

♪

सुखं शयाना निलये निजेऽपि नामानि विष्णोः प्रवदन्ति मर्त्याः

ते निश्चितं तन्मयतां व्रजन्ति गोविन्द दामोदर माधवेति

जिह्वे सदैवं भज सुन्दराणि नामानि कृष्णस्य मनोहराणि

समस्त-भक्तार्ति-विनाशनानि गोविन्द दामोदर माधवेति

गोविन्द दामोदर माधवेति

♪

सुखावसाने इदमेव सारं दुःखावसाने तु इदमेव गेयम्

देहावसाने इदमेव जाप्यं गोविन्द दामोदर माधवेति

जिह्वे रसज्ञे मधुर-प्रिया त्वं सत्यं हितं त्वां परमं वदामि

आवर्णयेथा मधुराक्षराणि गोविन्द दामोदर माधवेति

गोविन्द दामोदर माधवेति

♪

त्वामेव याचे मम देहि जिह्वे समागते दण्ड-धरे कृतान्ते

वक्तव्यमेवं मधुरं सुभक्त्या गोविन्द दामोदर माधवेति

श्री कृष्ण राधावर गोकुलेश गोपाल गोवर्धन-नाथ विष्णो

जिह्वे पिबस्वामृतमेतदेव गोविन्द दामोदर माधवेति

गोविन्द दामोदर माधवेति

श्री कृष्ण गोविन्द हरे मुरारे, हे नाथ नारायण वासुदेव

श्री कृष्ण गोविन्द हरे मुरारे, हे नाथ नारायण वासुदेव

श्री कृष्ण गोविन्द हरे मुरारे, हे नाथ नारायण वासुदेव

श्री कृष्ण गोविन्द हरे मुरारे, हे नाथ नारायण वासुदेव