Aazhakkadalinte

ആഴകടലിന്റെ അങ്ങേക്കരയിലായ്

നേരം വെളുക്കുന്ന മേട്ടിൽ

അമ്പിളിമാമനെ പോലെന്റെ മാറിലായ്

ഒട്ടിക്കിടക്കുന്ന മുത്തേ

കണ്ണിലായെണ്ണയൊഴിച്ചു കൊണ്ടെത്ര നാൾ

കാത്തിരുന്നു ഞാനിരുട്ടിൽ

ഇന്നെന്റെ മൺകുടിൽ മുന്നിലേ തിണ്ണയിൽ

പൊന്നായ് മിന്നും വിളക്കേ

ആഴകടലിന്റെ അങ്ങേക്കരയിലായ്

നേരം വെളുക്കുന്ന മേട്ടിൽ

അമ്പിളിമാമനെ പോലെന്റെ മാറിലായ്

ഒട്ടിക്കിടക്കുന്ന മുത്തേ

♪

അമ്പാടി തന്നിലെ ഉണ്ണിയെ പോലെ നീ

കൊമ്പനാണെങ്കിലും കണ്ണേ

അമ്മൂമ്മ പൂതിയാലീ കുഞ്ഞു കാതിലായ്

രാധയെന്നാദ്യമായ് ചൊല്ലാം

ഇല്ലില്ലാ മുത്തിയെ കണ്ടു മയങ്ങുമീ

നല്ല കിനാവുള്ള കണ്ണിൽ

ഇത്തിരി കണ്മഷി മെല്ലെ പുരട്ടുവാൻ

ഒത്തിരി മോഹിച്ചു പോയി

ആഴകടലിന്റെ അങ്ങേക്കരയിലായ്

നേരം വെളുക്കുന്ന മേട്ടിൽ

അമ്പിളിമാമനെ പോലെന്റെ മാറിലായ്

ഒട്ടിക്കിടക്കുന്ന മുത്തേ

എലേലോ, എലേലോ

എലേലോ, എലേലോ

വെള്ളവാവുള്ളൊരു രാവിലായ് നീ കൊച്ചു

വള്ളം തുഴഞ്ഞൊന്നു പോയാൽ

വെള്ളി വിതാനിച്ച വെള്ളാരം കല്ലുള്ള

കൊട്ടാരമുറ്റത്തു ചെല്ലാം

കടലമ്മയോടു നീ ചോദിക്കുമൊക്കെയും

സമ്മാനമായ് തന്നെ വാങ്ങാം

നീ തിരിച്ചിങ്ങോട്ടു പോരേണമെങ്കിലോ

തീരത്തു കണ്ണാളു വേണം

നിന്നെ മോഹിച്ച പെണ്ണാളു വേണം

ആഴകടലിന്റെ അങ്ങേക്കരയിലായ്

നേരം വെളുക്കുന്ന മേട്ടിൽ

അമ്പിളിമാമനെ പോലെന്റെ മാറിലായ്

ഒട്ടിക്കിടക്കുന്ന മുത്തേ

ഒട്ടിക്കിടക്കുന്ന മുത്തേ

ഒട്ടിക്കിടക്കുന്ന മുത്തേ