Aamani

ఆమని పాడవే హాయిగా... మూగవైపోకు ఈ వేళ

రాలేటి పూల రాగాలతో... పూసేటి పూల గంధాలతో

మంచు తాకి కోయిల... మౌనమైన వేళల

ఆమనీ పాడవే హాయిగా

ఆమనీ పాడవే హాయిగా

♪

వయస్సులో వసంతమే ఉషస్సులా జ్వలించగా

మనస్సులో నిరాశలే రచించెలే మరీచిక

పదాల నా ఎద స్వరాల సంపద

తరాల నా కథ క్షణాలదే కదా

గతించిపోవు గాధ నేనని

ఆమని పాడవే హాయిగా... మూగవై పోకు ఈ వేళ

రాలేటి పూల రాగాలతో

♪

శుకాలతో... పికాలతో... ధ్వనించిన మధూదయం

దివి భువి... కలా నిజం... స్పృశించిన మహోదయం

మరో ప్రపంచమే మరింత చేరువై

నివాళి కోరిన ఉగాది వేళలో

గతించిపోని గాధ నేనని

ఆమనీ పాడవే హాయిగా... మూగవై పోకు ఈ వేళ

రాలేటి పూల రాగాలతో... పూసేటి పూల గంధాలతో

మంచు తాకి కోయిల... మౌనమైన వేళల

ఆమని పాడవే హాయిగా

ఆమని పాడవే హాయిగా