Ondu Malebillu - From "Chakravarthy"

ಒಂದು ಮಳೆಬಿಲ್ಲು, ಒಂದು ಮಳೆಮೋಡ

ಹೇಗೋ ಜೊತೆ ಆಗಿ ತುಂಬಾ ಸೊಗಸಾಗಿ

ಏನನೋ ಮಾತಾಡಿವೆ, ಭಾವನೆ ಬಾಕಿ ಇದೆ

♪

ತೇಲಿ ನೂರಾರು ಮೈಲಿಯು ಸೇರಲು ಸನಿ ಸನಿಹ

ಮೋಡ ಸಾಗಿ ಬಂದಿದೆ ಪ್ರೀತಿಗೆ

ಮುದ್ದಾಗಿ ಸೇರಿವೆ ಎರಡು ಸಹ

ಏನನೋ ಮಾತಾಡಿವೆ, ಭಾವನೆ ಬಾಕಿ ಇವೆ

ಒಂದು ಮಳೆಬಿಲ್ಲು, ಒಂದು ಮಳೆಮೋಡ

ಹೇಗೋ ಜೊತೆ ಆಗಿ ತುಂಬಾ ಸೊಗಸಾಗಿ

♪

ಸನ್ನೆಗಳಿಗೆ ಸೋತ ಕಣ್ಣುಗಳಿವೆ

ಕದ್ದು ಕೊಡುವುದಕೆ ಕಾದ ಮುತ್ತುಗಳಿವೆ

ಬೆರಳುಗಳು ಸ್ಪರ್ಶ ಬಯಸುತಿವೆ

ಮನದ ಒಳಗೊಳಗೇ ಎಷ್ಟೋ ಆಸೆಗಳಿವೆ

ಎಂಥಾ ಆವೇಗ ಈ ತವಕ

ಸೇರೋ ಸಲುವಾಗಿ, ಎಲ್ಲಾ ಅತಿಯಾಗಿ

ಎಲ್ಲೂ ನೋಡಿಲ್ಲ ಈ ತನಕ

ಪ್ರೀತಿಗೆ ಒಂದ್ ಹೆಜ್ಜೆ ಮುಂದಾಗಿವೆ

ಏನನೋ ಮಾತಾಡಿವೆ, ಯಾತಕೆ ಹೀಗಾಗಿದೆ

ಒಂದು ಮಳೆಬಿಲ್ಲು, ಒಂದು ಮಳೆಮೋಡ

♪

ನಾಚುತಲಿವೆ ಯಾಕೋ ಕೈಯ್ಯ ಬಳೆ

ಮಂಚ ನೋಡುತಿದೆ ಬೀಳೋ ಬೆವರ ಮಳೆ

ಬೆಚ್ಚಗೆ ಇದೆ ನೆಟ್ಟ ಉಸಿರ ಬೆಲೆ

ದೀಪ ಮಲಗುತಿದೆ ನೋಡಿ ಈ ರಗಳೆ

ತುಂಬಾ ಹೊಸದಾದ ಈ ಕಥನ

ಒಮ್ಮೆ ನಿಶಬ್ಧ, ಒಮ್ಮೆ ಸಿಹಿಯುದ್ಧ

ಎಲ್ಲೂ ಕೇಳಿಲ್ಲ ಈ ಮಿಥುನ

ಪ್ರೀತಿಲಿ ಈ ಜೀವ ಒಂದಾಗಿವೆ

ಏನನೋ... ಹ್ಮ್ಮ್ಮ್

ಮಾತಲೇ ಮುದ್ದಾಡಿವೆ

ಒಂದು ಮಳೆಬಿಲ್ಲು, ಒಂದು ಮಳೆಮೋಡ

ಹೇಗೋ ಜೊತೆ ಆಗಿ ತುಂಬಾ ಸೊಗಸಾಗಿ

ಏನನೋ ಮಾತಾಡಿವೆ, ಭಾವನೆ ಬಾಕಿ ಇದೆ