Are Emaindhi

అరె ఏమైంది

♪

అరె ఏమైంది ఒక మనసుకి రెక్కలొచ్చి ఎక్కడికో ఎగిరింది

అది ఏమైంది తన మనిషిని వెతుకుతు ఇక్కడొచ్చి వాలింది

కల కాని కల ఏదో కళ్ళెదుటే నిలిచింది

అది నీలో మమతను నిద్దురలేపింది

అరె ఏమైంది ఒక మనసుకి రెక్కలొచ్చి ఎక్కడికో ఎగిరింది

అది ఏమైంది

♪

నింగి వంగి నేల తోటి నేస్తమేదో కోరింది

నేల పొంగి నింగి కోసం పూల దోసిలిచ్చింది

పూలు నేను చూడలేను, పూజలేమి చేయలేను

నేలపైన కాళ్ళు లేవు, నింగి వైపు చూపు లేదు

కన్నెపిల్ల కళ్ళలోకి ఎన్నడైన చూశావో

కానరాని గుండెలోకి కన్నమేసి వచ్చావో

అది దోచావు

♪

ఈడులోన వాన చినుకు పిచ్చిమొలక వేసింది

పాడలేని గొంతులోన పాట ఏదో పలికింది

గుండె ఒక్కటున్న చాలు గొంతు తానె పాడగలదు

మాటలన్ని దాచుకుంటే పాట నీవు రాయగలవు

రాత రాని వాడి రాత దేవుడేమి రాశాడో

చేతనైతే మార్చి చూడు వీడు మారిపోతాడు

మనిషవుతాడు

అరె ఏమైంది ఒక మనసుకి రెక్కలొచ్చి ఎక్కడికో ఎగిరింది

అది ఏమైంది తన మనిషిని వెతుకుతు ఇక్కడొచ్చి వాలింది

కల కాని కల ఏదో కళ్ళెదుటే నిలిచింది

అది నీలో మమతను నిద్దురలేపింది

అరె ఏమైంది ఒక మనసుకి రెక్కలొచ్చి ఎక్కడికో ఎగిరింది

అది ఏమైంది