Nee Parichaya

ನೀ ಪರಿಚಯ ಹೇಳದೇ

ಸೆಳೆದೇ ಉಸಿರನು ಮೆಲ್ಲಗೆ

ನಾ ಹೊರಟರೂ ಎಲ್ಲಿಗೆ

ತಲುಪೋ ತಾಣ ನಿನ್ನಲ್ಲಿದೆ

ಬಿಸಿಲ ಸುಡೋ ರಂಗೋಲಿಗೆ

ಭುವಿಯ ನೆಲ ಕಾದಂತಿದೆ

♪

ಈ ಬದುಕಿನ ಸೌಖ್ಯವು

ಅಡಗಿ ನಿನ್ನ ಕಣ್ಣಲ್ಲಿದೆ

ಈ ಮಧುರ ಸಾಂಗತ್ಯವು

ಮನದ ಹೆಜ್ಜೆ ಗುರುತಾಗಿದೆ

ಅರೋಳೋ ಪ್ರತಿ ಆರಂಭಕ್ಕೂ

ಹೊಸೆವ ಕಥೆ ನೂರಾಗಿದೆ

♪

ನೀನಿಲ್ಲದೆ ಬೇರೆ ಗಮನಾನೇ ಇಲ್ಲ

ಒಲವಾಗಿದೆ ಬೇರೆ ಸಂದೇಹವಿಲ್ಲ

ಈ ಭಾವಲೋಕದ ಒಪ್ಪಂದವೆಲ್ಲ

ನಿಯಮಾನುಸಾರಕ್ಕೆ ಸಂಭಂಧಿಸಿಲ್ಲ

ನಾ ಬದುಕುವ ಆಸೆಗೆ

ಹುರುಪು ಈಗ ಬಂದಂತಿದೆ

ಈ ಕನಸಿನಾಕಾಶಕ್ಕೆ

ಹೊಳಪು ನೀನೇ ತಂದಂತಿದೆ

♪

ಇಷ್ಟೊಂದು ಮೌನ ಒಬ್ಬಂಟಿಯಾಗಿ ಬೇಕಿಲ್ಲ ನೀನಿಲ್ಲದೆ

ಅತ್ಯಂತವಾಗಿ ಅಭ್ಯಾಸವಾದೆ ಬೇಕೆಂದೇ ಈ ಜೀವಕೆ

ಕಾರ್ಮೋಡ ಸರಿದು ಬಾಳಲ್ಲಿ

ಹೊಸದಾಗಿ ಸುಳಿದು ತಂಗಾಳಿ

ಬದಲಾಗಿದೆ ಲೋಕವೇ

ಒಂದಾಗಲು ಸಾಲದೇ

ನೀ ಪರಿಚಯ ಹೇಳದೇ

ಸೆಳೆದೇ ಉಸಿರನು ಮೆಲ್ಲಗೆ

ನಾ ಹೊರಟರೂ ಎಲ್ಲಿಗೆ

ತಲುಪೋ ತಾಣ ನಿನ್ನಲ್ಲಿದೆ

ಬಿಸಿಲ ಸುಡೋ ರಂಗೋಲಿಗೆ

ಭುವಿಯ ನೆಲ ಕಾದಂತಿದೆ